إزاي أطلب؟
اختار المنتج، اضغط “أضف للسلة”، وبعدين “إتمام الطلب”. اكتب اسمك ورقمك وعنوانك بس، مش لازم تعمل حساب.
الدفع إزاي؟
كاش للمندوب لما تستلم. مش محتاج كارت ولا تدفع حاجة مقدماً.
الطلب بيوصل في قد إيه؟
بنكلّمك نأكد الطلب خلال 24 ساعة، وبعد التأكيد بيوصلك في 2 لـ 5 أيام عمل في كل المحافظات.
الشحن بكام؟
من 85 لـ 110 جنيه حسب المحافظة، وبيظهرلك قبل ما تأكد الطلب. التفاصيل في صفحة الشحن والتوصيل.
أقدر أشوف المنتج قبل ما أدفع؟
أيوه، من حقك تفتح الشحنة وتعاين المنتج قدام المندوب قبل ما تدفع.
شفت المنتج وما عجبنيش، أرفضه؟
تقدر ترفض الاستلام، وتدفع 50 جنيه بس مصاريف شحن للمندوب. لو فيه عيب ظاهر، ترفضه من غير ما تدفع حاجة.
استلمت المنتج وبعدين ما عجبنيش، أرجّعه؟
بعد الاستلام والدفع مش بنقبل الإرجاع لمجرد تغيير الرأي، عشان كده عاين المنتج كويس قدام المندوب. لو ظهر فيه عيب تصنيع خلال 14 يوم، بنبدّله أو نرجّعه. التفاصيل في صفحة الاستبدال والاسترجاع.
المنتج وصلني بايظ أو غلط؟
لو المندوب لسه معاك، ارفض الاستلام من غير ما تدفع. لو العيب ظهر بعد الاستلام، صوّره وابعتلنا على واتساب خلال 14 يوم، وهنبدّله أو نرجّع فلوسك.
أقدر أغيّر أو ألغي طلبي؟
أيوه، ما دام لسه ما اتشحنش. ابعتلنا بسرعة على واتساب.
إزاي أكلّمكم؟
اضغط زرار واتساب اللي في أي صفحة.